有网友到泰国按摩进错黑店被禁锢！现在就告诉你在泰国按摩要注意的4大事项★

最近就有网友係社交平台分享话喺泰国按摩遇到黑店，明明讲好按一个钟变咗45分钟，于是事主懒死唔走，却反被店主禁锢喺铺头。据称事主拎晒钱出嚟佢地又唔收，想走都走唔到，比对方吓返转头报警话网友唔肯俾钱，而网友只能发挥港人精神，就係拍片放上网比大家公审。结果大多网友们竟指责楼主，有人话「去旅行比人搵笨是常识吧？！」、亦有网友指楼主无做功课，去咗「性按摩小店」都唔知，实在活该。

事实上，去泰国来个按摩实为指定动作，究竟点样减低中伏风险？今日就等我小编教大家几招旁身啦。

1. 点拣好？

为咗按都按得安心啲，拣间好嘅铺头就唔使讲，到底要点拣？除咗靠运，好多人会选择去有旅游书推介嘅大牌子又或有口碑嘅店舖，如有朋友去过介绍就最放心。

2. 要唔要俾Tips？

係要比Tips的！Tips多少则视乎按摩店嘅级数同疗程费用，以大约10﹪为准则，平价小店约50铢，至于好似Let’s Relax同Divana等中价店，就大约100﹣200铢。

3. 几时帮衬最好？

一般按摩店都大概係9﹣10点开门，至晚上10点左右，根据小编嘅经验，最好係早上帮衬，一来人少少，二来技师啱啱开工，精神态度最好，如果拣着对方准备收工先去，好难避免对方因为赶收工而hea你。

4. 提早预订

其实好多人去泰国都会按摩，尤其人多个阵，摸门钉机会好高。所以最好早啲book定先，好多按摩店透过官方网站同电邮都可以预订，所以记得早啲去约预啦。

文章来源：YahooHKTravel

＊＊此文章为分享内容，照片和资料皆取自网络，如有侵犯版权请来信告知，本站绝对尊重个人版权，谢谢。＊＊